Эмне себептен интернет иштебей жатат?

31.10.2023

Интернет иштебей калса эмне кылыш керек?

Роутердин ырастоолоруна кирерден же байланыш операторуна чалардан мурун көйгөйдү чечүүнүн жөнөкөй ыкмаларын колдонуп көрүңүз:

Зымдын туташуунун бардык чекиттерине: onu түзүлүшкө, роутерге, компьютерге туура кошулганын текшериңиз.

Индикаторлор түзүлүштүн статусун жана анын айрым функцияларын көрсөтүп турат. Баары ойдогудай иштеген учурда, жарыктары туруктуу күйүп же жашыл түс жанып-өчүп турат.

Эгерде интернетке кирүүдө көйгөй жаралса, жабдуунун лампочкасын карап көрүңүз – кандай абалда экенин жана кандай түстө күйүп жатканын байкаңыз.

1. ONU/ONT оптикалык модемиңиздин күйүп турган лампочкаларына көңүл буруңуз

Индикатор	Сыпаттама
Power/PWR (Кубаттоо)	Жашыл жанып турат: Түзүлүштүн кубаттоосу күйүп турат. Жанбаса: Түзүлүш өчүк же түйүндө кубаттоо жок.
PON	Жашыл жанып турат: Түзүлүш туура иштеп жатат. Жашыл жанып-өчсө: Түзүлүш оператор тарабынан катталып, синхронизацияланып турат. Жанбаса: Түзүлүш синхронизацияланган жок.
LOS	Кызыл жанып турат: Оптикалык модуль түзүлүшкө кошулган эмес. Жанбай турса: Түзүлүш туура иштеп жатат
LAN	Жашыл жанып турат: Ethernet технологиясына кошулган, түзүлүш туура иштеп жатат. Жашыл жанып-өчсө: Ethernet маалыматтары берилүүдө. Жанбаса: Ethernet кошулган эмес же активацияланган жок.

Жогоруда тизмектелген индикаторлордун баары иштеген абалда (PON жана POWER – жанып турат, LOS – жанган жок, LAN – жанып же жанып-өчүп турат), бирок интернет иштеген жок:

- Балансыңызды текшериңиз, ал оң мааниде болушу керек.

- Жабдууну өчүрүп, кайра күйгүзүңүз: бардык жабдуулардын кубаттоо блокторун розеткадан ажыратуу аркылуу аларды өчүрүңүз. Индикаторлордун баары өчкөнүн текшериңиз. 20-30 секундадан кийин бардыгын күйгүзүңүз.

2. PON индикаторлору

- PON индикатору дайыма жашыл түстө жанып турат – модем оператордун жабдуусуна катталуу процессин ийгиликтүү аяктады.

- PON индикатору жанган жок же жанып-өчүп турат.

Болжолдуу себептер:

- Сиздин батириңизге/үйүңүзгө тартылган оптикалык кабель модемдин PON портуна кошулган эмес. Эгер кабель кошулган болсо, аны ONU/ONT модеминен ажыратып, кайра туташтырып көрүңүз. Кабелде физикалык жабыркоолордун же катуу ийилген жерлердин жок экендигин текшериңиз.

- Эгерде индикатор дайыма жанып-өчүп турса (2-3 мүнөттөн ашык) – түзүлүш кандайдыр бир себептерден улам оператордун жабдуусуна каттала албай жатат.

3. LOS индикатору

- Индикатор жанбай турат – ONU/ONT туура иштеп жатат.

- Индикатор кызыл түстө жанып/жанып-өчүп турат:

Линиядагы үзүлүү

Бул көп учурда сигнал жоголуп, колдонуучуда LOS индикаторунун жанып калуусунун/жанып-өчүүсүнүн негизги себеби болуп саналат.

Үйүңүзгө/батириңизге өткөрүлгөн оптикалык кабелдин бүтүндүгүн текшерүү зарыл. Балким ал көчөдөгү бактарды кыюунун, жүк ташыган унаалардын өтүүсүнүн ж.б. натыйжасында үзүлүп калган же катуу ийилип калган.

Оптикалык пигтейлдин зыянга учурашы

Оптикалык пигтейл — бул учунда жашыл же көк коннектору бар сары кабель. Кабель үйүңүзгө/батириңизге өткөрүлгөн негизги кабелден келет. Эгер ал зыянга учураган болсо, өз алдынча калыбына келтирүү мүмкүн эмес. Ага атайы ширетүүчү аппарат талап кылынат. Эгерде SC коннектор сынып калса – ушундай эле жагдай болот.

Оптикалык кабель зыянга учураганда, сигнал жоголуп кетиши ыктымал. Мындай учурда роутердеги LOS кызыл түстө жанып калат.

TP-link TL-WR844N роутери

Индикатор	Сыпаттама
Интернет	Жашыл жанып турат: Маршрутизатор/WSIP режими: Интернет жеткиликтүү. Кирүү чекитинин режими: WAN порту кошулган. Диапазон кеңейткичинин режими: Маршрутизатор хост-түйүнгө кошулган. Жашыл жанып-өчүүдө: Система ишке киришүүдө же прошивка жаңыланууда.
Интернет	Кызгыл сары жанып турат: Маршрутизатордун режими: WAN порту кошулган, бирок Интернет жеткиликтүү эмес. Кирүү чекитинин режими: WAN порту кошулган эмес. Диапазон кеңейткичинин режими : Маршрутизатор хост-түйүнгө кошулган жок. WISP режими: Интернет жеткиликтүү эмес. Кызгыл сары жанып-өчүүдө: WAN порту маршрутизатор режиминде кошулган эмес.
LAN	Жашыл жанып турат: Жок дегенде бир LAN порту кошулган. Жанбай турат: Бир дагы LAN порту кошулган эмес.
Wi-Fi	Жашыл жанып турат: Зымсыз байланыш функциясы күйүп турат. Жашыл жанып-өчүүдө: WPS-туташуу жүрүп жатат. Бул 2 мүнөткө чейинки убакытты алышы мүмкүн.

Эгерде жогорудагы кеңештер сизге жардам берген болсо, бизге жазыңыз:

• 0708 909 000 номерине чалыңыз же WhatsApp/Telegram аркылуу жазыңыз (операторлор күнү-түнү иштешет).